A Policía Local de Lugo denunciou este fin de semana a unha ducia de condutores que deron positivo no test de alcoholemia, un deles cuadriplicando a taxa máxima permitida.
Segundo informaron fontes policiais, o condutor que deu unha taxa de alcoholemia máis elevada foi interceptado na rúa Antonio Rosón, e o resultado da proba á que foi sometido foi de 1,01 mg/l. O seu coche foi inmobilizado e instruíronse dilixencias para xuízo rápido por un delito contra a seguridade viaria.Igualmente, foron denunciados por vía penal outros cinco condutores, interceptados en controis en varios viarios e que deron resultado positivo no test de alcoholemia, arroxando valores de entre 0,69 e 0,97 mg/l.
Por outra banda, tamén se tramitaron denuncias administrativas contra outros 6 condutores, que igualmente deron positivo nas probas.