InicioLugo e contornaLugoO PP de Lugo pide a "intervención inmediata" da rede de auga...

O PP de Lugo pide a “intervención inmediata” da rede de auga do Ceao tras o incendio da nave de despezamentos

Insta a PSOE e BNG a cumprir co recolleito nos informes elaborados tras o incendio de 2021 e renovar a rede de aguas da zona.

PUBLICADA O

- Advertisement -

O Grupo Municipal do PP de Lugo solicitou este mércores ao Goberno local a “intervención inmediata” da rede de subministración de auga do polígono do Ceao tras o incendio desatado o martes na nave da empresa Despeces Sidegal, na que resultaron feridas dúas persoas, para renovar unha infraestrutura que conta, denunciaron, “con máis de 40 anos de antigüidade”.

Así se manifestaron este mércores os populares tan só algunhas horas despois de que o corpo de bombeiros de Lugo dese por extinguido o incendio que calcinou na xornada do martes as instalacións da nave de despezamentos situada na Rúa do Vidro do citado polígono empresarial.

Un emprazamento, alertaron desde o PP lucense, onde existen aínda “tubaxes de fibrocemento con máis de 40 anos de antigüidade” que os informes elaborados tras o macroincendio rexistrado no mesmo polígono en abril de 2021 recomendaran renovar ao acabarse “a súa vida útil”.

“Atopámonos ante unha situación que é idéntica á que sufrimos en Lugo hai tres anos. Estamos a falar dun problema real que existe no polígono do Ceao”, manifestou o viceportavoz do PP no Concello de Lugo, Enrique Rozas, para acto seguido reclamar a “intervención inmediata” da rede de subministración de auga do parque empresarial para “evitar”, dixo, que se produzan “males maiores no futuro”.

“Hai informes técnicos que avalan a intervención inmediata na rede de subministración de auga. O noso grupo, ata en tres ocasiones, instou o Goberno municipal a priorizar a seguridade do polígono incluso presentando unha alegación aos orzamentos para destinar unha partida económica á mellora da rede de saneamento”, explicou o viceportavoz dos populares, antes de subliñar que a propia Asociación de Empresarios do Ceao presentou no seu momento “outra alegación” no mesmo sentido.

O PP lucense, que trasladou o seu desexo de “unha rápida recuperación” aos feridos e o seu apoio aos afectados polo incendio, instou a PSOE e BNG a cumprir co recolleito nos informes elaborados tras o incendio de 2021 –que calcinou catro naves do polígono do Ceao– e proceder á “renovación” da rede de augas da zona industrial.

ÚLTIMAS

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...