A Policía Local de Lugo abriu expediente sancionador a 17 condutores tras dar positivo na proba de alcoholemia e a outros dous por drogas, segundo informa. A actuación foi durante a fin de semana nun dispositivo especial con motivo do inicio da Semana Santa posto en marcha pola Policía Local e polo que se intensificaron os controis de alcoholemia e drogas en vías do centro urbano.
Así mesmo, no transcurso destes controis foron detectados 11 condutores que non presentaron os seus vehículos á ITV en prazo debido e dous titulares que circulaban carecendo de seguro obrigatorio.
Como resultado deste operativo, detectáronse tamén dous condutores sen permiso de condución na rúa Perpetuo Socorro e Luís Seoane, instruyendo os axentes dilixencias por delito contra a seguridade viaria na modalidade de xuízo rápido e inmobilizando o vehículo.
