InicioLugo e contornaLugoMáis de 10.000 quilos de lixo en Fingoi tras a Carballeira universitaria

Máis de 10.000 quilos de lixo en Fingoi tras a Carballeira universitaria

Unha alta porcentaxe dos residuos, na súa maioría bricks, plásticos e vidros, foron extraídos da zona verde e da súa contorna.

PUBLICADA O

- Advertisement -

O dispositivo especial de limpeza organizado polo do Concello de Lugo con motivo da celebración universitaria da Carballeira recolleu máis de 10.690 quilos de lixo en Fingoi. Segundo informou o concello, unha alta porcentaxe dos residuos, na súa maioría bricks, plásticos e vidros, foron extraídos da zona verde e da súa contorna.

Isto a pesar que, de forma previa á celebración, retiráronse todas as papeleiras da Carballeira e da súa contorna, a fin de evitar actos vandálicos, e colocáronse colectores de 800 litros de capacidade para que os asistentes puidesen depositar neles os residuos xerados e ser logo utilizados para recoller o lixo, tal e como explicou Miguel Fernández, edil de Transición Ecolóxica.

Deste xeito, recolléronse 7.380 quilos de vidro, 1.350 quilos de envases lixeiros, 580 quilos de fracción de resto e 1.380 quilos de residuos recolleitos polas máquinas de limpeza viaria. “A experiencia das pasadas edicións permitiunos desenvolver as tarefas de limpeza cunha maior efectividade e antes de comece a actividade matinal neste parque, evitando así afeccións para os veciños”, dixo o edil.

Fernández incidiu en que a cantidade de residuo é menor que noutras edicións “como consecuencia dun maior pero insuficiente concienciación dos mozos”. Neste sentido, o edil considera que é necesario que “as novas xeracións adapten esta histórica celebración aos estándares actuais de conservación e respecto polo medio ambiente”.

ÚLTIMAS

Polémica por 300 hectáreas de monte veciñal no paraíso hippie de Negueira de Muñiz

É posible atopar restos de neve nos costados da sinuosa estrada que descende desde...

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...