Axentes da Garda Civil detiveron a tres persoas como presuntos autores de varios delitos contra o patrimonio, por roubos e furtos de ferramentas, gasóleo e outros efectos.

Na operación ‘Corsario 4.0’, a Garda Civil detivo a dúas persoas en Foz por varios roubos no interior de vehículos estacionados, dos que levaron efectos por valor duns 8.000 euros. No marco da investigación, púidoselles importar outro tres furtos de gasóleo, cometidos en vehículos que estaban a levar a cabo labores de mantemento na estrada de San Martiño-Foz.

Aos dous detidos en Foz considéraselles autores materiais dos furtos, mentres que foi detida unha terceira persoa en Vilalba como presunta autora dun delito de receptación, ao comprar os efectos subtraídos, a propósito da súa ilícita procedencia.

A Garda Civil logrou recuperar a maior parte do material roubado (un robot industrial valorado en 3.200 euros, un dron valorado en 1.700 euros, teléfonos móbiles, un medidor láser, amoladoras, un martelo percutor e dous talardos), que foi recoñecido e devolto aos seus lexítimos propietarios. As dilixencias policiais foron postas a disposición xudicial.