A neve que caeu nas últimas horas dificulta a circulación na A-6 ao seu paso polos municipios lucenses das Nogais e Pedrafita do Cebreiro. Así o informou a Dirección Xeral de Tráfico (DXT) que recomendou circular con precaución tamén pola estrada secundaria LU-633, desde o quilómetro 0 de Pedrafita ata o 26 de Ramil, en ambos os sentidos.
A Deputación de Lugo informou de que a cota de neve sitúase sobre os 600-700 metros e en Cervantes e Pedrafita acumuláronse entre 10 e 15 centímetros. Tamén en O Courel e Navia teñen as cotas máis altas.
PROVINCIA DE OURENSE
Na provincia de Ourense a Garda Civil informou de varias actuacións durante a xornada deste venres e na madrugada do sábado, pero actualmente pódese circular con normalidade, salvo a subida á estación de Montaña.
Desta forma, o Instituto Armado detallou que ás 20,00 horas do venres na OU-0704 unha familia tivo que se auxiliada ao quedar bloqueada a dous quilómetros do hotel da estación de montaña de Cabeza de Manzaneda.
