InicioA UlloaAprobado un proxecto para ampliar o polígono de Palas de Rei

Aprobado un proxecto para ampliar o polígono de Palas de Rei

A Xunta aprobou de forma definitiva o proxecto de interese autonómico (PIA) que permitirá a ampliación.

PUBLICADA O

- Advertisement -

A Xunta aprobou de forma definitiva o proxecto de interese autonómico (PIA) que permitirá a ampliación do parque empresarial de Palas de Rei, tal e como se recolle na resolución publicada no Diario Oficial de Galicia (DOG) este venres.

Este PIA ten por obxecto desenvolver a terceira fase da ampliación do parque empresarial lucense, unha actuación delimitada na segunda modificación do Plan Sectorial de Ordenación de Áreas Empresariais de Galicia (Psoaeg), aprobada polo Consello da Xunta o pasado mes de decembro.

Os proxectos de interese autonómico son instrumentos de intervención directa previstos na Lei de ordenación do territorio de 2021 co obxecto de planificar e proxectar a execución inmediata de actuacións que transcenden o ámbito municipal, as cales non teñan previsión nin acomodo no plan urbanístico.

Unha vez completadas as fases I e II deste polígono, nas que na actualidade xa non quedan parcelas dispoñibles, esta ampliación permitirá pór á disposición do tecido empresarial da zona unha superficie de case 40.000 metros cadrados nuns 600 metros do núcleo urbano de Palas de Rei, que linda ao oeste coa primeira fase do parque empresarial.

En concreto, o novo desenvolvemento contará con 14 parcelas destinadas a usos industriais e cunha superficie global de 20.755 metros cadrados, case 11.250 metros cadrados reservados para espazos libres e zonas verdes e outros 1.260 metros cadrados para equipamentos.

En canto aos accesos á fase III, farase desde o viario do actual parque empresarial, o que conecta a rotonda existente mediante unha nova vía que dividirá a área industrial resultante en dous partes. Ademais, prevese unha zona verde perimetral ao redor do futuro ámbito que creará unha barreira visual vexetal na zona norte e leste.

ÚLTIMAS

Polémica por 300 hectáreas de monte veciñal no paraíso hippie de Negueira de Muñiz

É posible atopar restos de neve nos costados da sinuosa estrada que descende desde...

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...