InicioLugo e contornaLugoA CIG denuncia un ataque con ovos á caravana das traballadoras da...

A CIG denuncia un ataque con ovos á caravana das traballadoras da limpeza de Lugo

Levan máis de tres meses en folga para reclamar "un convenio digno".

PUBLICADA O

- Advertisement -

A CIG denunciou un ataque con ovos á caravana das traballadoras da limpeza de Lugo, que levan máis de tres meses en folga para reclamar “un convenio digno”.

O sindicato nacionalista emitiu un comunicado no que rexeita e condena este suceso “covarde e insolidario” e avanzou que estuda presentar denuncia ante a policía.

Segundo detalla a central sindical, esta caravana está instalada fronte á chaira do edificio multiusos da Xunta desde o pasado 21 de novembro co obxectivo de dar visibilidade ás reclamacións das traballadoras da limpeza, que piden a intervención da administración autonómica no conflito.

Ademais, tamén serve como punto de encontro do colectivo e nela permanece durante a mañá e a tarde un piquete de traballadoras, a modo de recordatorio de que seguen en pé “por unhas condicións salariais e laborais xustas”.

“A caravana non lle molesta nin lle estorba a ninguén, a persoa ou persoas ás que se lles ocorreu lanzar os ovos son un claro exemplo de insolidariedade. É un acto indigno que repudiamos de pleno”, afirmou Asunción Castiñeira, representante da CIG.

ÚLTIMAS

A irmá da muller asasinada en 2016 polo “mal funcionamento” da Casa da Muller de Lugo recorrerá ao TSXG

Martina Gómez Nieto, irmá da muller asasinada polo seu esposo no municipio de Becerreá...

Investigan a un menor de 14 anos que conducía un coche sen carné en Vilalba

Un menor de 14 anos foi interceptado en Vilalba conducindo un cuadriciclo lixeiro sen permiso...

Desaloxados os veciños dun edificio de Lugo tras rexistrarse un incendio nunha das vivendas

Os veciños dun edificio situado na rúa Sanxillao de Lugo tiveron que ser desaloxados...

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...