InicioEconomíaBombeiros de Vilalba denuncian o peche do parque comarcal por traslado de...

Bombeiros de Vilalba denuncian o peche do parque comarcal por traslado de efectivos ao de Barreiros

Ademais, sinalan que esta decisión "pon en risco tamén a seguridade da poboación de Barreiros, Sarria e o resto dos municipios da zona de actuación do seu parque", posto que "a partir de agora terán que cubrir unha zona moito máis ampla".

PUBLICADA O

- Advertisement -

O Comité de Folga dos Bombeiros Comarcais acusa o Consorcio de Bombeiros de Lugo de pór en risco a seguridade da cidadanía de Vilalba e contorna ao decidir pechar o parque comarcal desta localidade e recolocar aos seus efectivos no Parque de Barreiros.

Así o trasladaron nunha nota de prensa na que os sindicatos que integran o Comité cualifican de “inxusta” e “inxustificada” esta medida, xa que, segundo denuncian, tómase transcorridas menos de 24 horas do incendio do Hotel Villamartín. “De producirse no día de hoxe, ao ter que esperar aos efectivos de Barreiros aumentaríase o tempo de resposta co que os danos poderían ser maiores”, censuran.

Para CSIF, UGT, CC.OO., Sibgal e CIG o peche do Parque de Vilalba é unha mostra máis de “a mala xestión” do Consorcio provincial contra incendios e salvamento, “que deixa de novo en mans da sorte a seguridade dos veciños e veciñas dos 16 municipios aos que dá servizo”.

Ademais, sinalan que esta decisión “pon en risco tamén a seguridade da poboación de Barreiros, Sarria e o resto dos municipios da zona de actuación do seu parque”, posto que “a partir de agora terán que cubrir unha zona moito máis ampla”.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...