A sección segunda da Audiencia Provincial de Lugocondenou a dous anos de cárcere e ao pago dunha multa de 195 euros a unha muller que foi interceptada cando fornecía heroína a un comprador, segundo informa o Tribunal Superior de Xustiza de Galicia (TSXG). Os maxistrados considerárona autora dun delito contra a saúde pública, na modalidade de drogas que causan grave dano á saúde.
O fallo indica que o 15 de novembro de 2021, sobre as sete da tarde, a acusada vendeulle heroína a unha persoa, a cal tiña un valor no mercado ilícito de 97,77 euros, tras o cal foi detida por un axente da Policía Nacional. Fíxoo tras comprobar que portaba máis droga e diñeiro procedentes da súa actividade delituosa. A Audiencia non estima suficientemente acreditado que a acusada viñese dedicándose á venda de sustancias estupefacientes en Lugo.
