A Deputación de Lugo reabre as rutas en catamarán polo río Miño despois de terminar Naturgy os traballos de mantemento no encoro dos Peares. Segundo informa a Deputación nun comunicado, desde este mércores pódense reservar de novo billetes para estas viaxes que a institución provincial viuse obrigada a suspender no mes de outubro pola baixada do nivel de auga debida ás tarefas de Naturgy.

As reservas poden facerse na web reservas.rutasembalses.es. En novembro, funcionarán as dúas rutas, esta de o Miño e a do Sil (viaxes sábados e domingos, con saídas pola mañá e tarde). En decembro, os catamaráns sairán todos os días do 2 ao 10 con motivo da ponte da Constitución. O itinerario parte de Belesar, no municipio do Saviñao.

A deputada de Réxime Interior, Promoción do Territorio e Turismo, Pilar García Porto, informa de que volve activarse esta “hermosísima ruta, que ten unhas particularidades moi curiosas e que segue sorprendendo a todo aquel que a fai”.