A Garda Civil comisou a motocicleta a un home que figura como investigado por un delito contra a seguridade viaria despois de ser identificado como responsable dunha serie de manobras temerarias que realizou polo centro urbano de Guitiriz, onde foi observado facendo “caballitos”, mesmo, en pasos de peóns.

Segundo informou a Benemérita este xoves, a investigación iniciouse tras a publicación de vídeos o pasado mes de setembro nos que se observaba a un motorista realizando manobras perigosas polo centro da localidade luguesa. Neles, víase ao motorista facendo “caballitos” mesmo nun paso de peóns no que había xente esperando para cruzar. As pescudas culminaron coa identificación do condutor da moto grazas ao rastrexo e análise compartivo feito a través de datos nas redes sociais e rexistros da DXT.

Ante “a gravidade das condutas investigadas e do risco causado”, a Garda Civil decidiu comisar de forma cautelar a motocicleta do individuo, que prestou declaración ante o xulgado de instrución número 1 de Vilalba.