A Garda Civil detectou na provincia de Lugo un aumento nos casos de estafas a través do método coñecido como ‘correo de empresa comprometido’ ou BEC (Business E-mail Compromise), dirixidas a empresas e outros tipos de organizacións que empregan o correo electrónico para levar a cabo negociacións e transaccións económicas.

Trátase dun tipo de fraude en liña no que os delincuentes cibernéticos tentan enganar a individuos ou empresas para que realicen os pagos a contas controladas polas organizacións criminais.

Esta estafa, explicou a Garda Civil, adoita involucrar a suplantación de identidade e a manipulación da conta bancaria nos correos electrónicos, para facer que as solicitudes de cambio de información de facturación parezan lexítimas. Como resultado, as vítimas acaban pagando aos estafadores en lugar da os destinatarios reais das facturas.