Extinguido o incendio forestal de Palas de Rei tras calcinar 126 hectáreas

A superficie afectada foi de 126,09 hectáreas, das cales 117,59 corresponden a monte raso e 8,5 a arboledo.

Varios vehículos de emerxencias preto do incendio forestal, a 18 de agosto de 2023, en Palas de Rei.. Carlos Castro - Europa Press

A Consellería do Medio Rural dá por extinguido o incendio forestal rexistrado no municipio lucense de Palas de Rei, que queimou unhas 126 hectáreas de terreo. Segundo a información da consellería, o lume, iniciouse o pasado venres na parroquia de Orosa, e quedou extinguido sobre as 12.25 horas deste luns. A superficie afectada foi de 126,09 hectáreas, das cales 117.59 corresponden a monte raso e 8,5 a arboledo. Na extinción deste lume, apuntou a Xunta, mobilizáronse catro técnicos, 28 axentes, 26 brigadas, 22 motobombas, tres pas, cinco helicópteros e catro avións.