A Garda Civil identificou o pasado mércores 12 de xullo a un home de 80 anos que circulaba en sentido contrario pola autovía A-6, á altura do quilómetro 461, ao seu paso polo municipio lucense de Baralla.
Os axentes tiveron coñecemento dos feitos avisados polo 112 Galicia e por numerosas chamadas telefónicas de particulares que alertaban de que un vehículo circulaba en sentido contrario ao estipulado neste punto.
Unha vez activado o protocolo de detención na estrada, dúas patrullas do Destacamento de Tráfico Garda Civil deLugo e unha de Seguridade Cidadá do Posto da Garda Civil de Becerreá desprazáronse ata o lugar e conseguiron interceptalo á altura do quilómetro 479, preto do Corgo, sen que se producise ningún sinistro.
