InicioSociedadeArrinca o XXII Arde Lucus, coa ocupación hoteleira case ao cento por...

Arrinca o XXII Arde Lucus, coa ocupación hoteleira case ao cento por cento

Primeira edición coa cateoría de Fieste de Interese Turístico Internacional, que coincide co San Xoán e un campionato de billar.

PUBLICADA O

- Advertisement -

A ocupación hoteleira na cidade de Lugo roza o cento por cento nunha semana marcada pola celebración da XXII edición do Arde Lucus, tal e como destacou o presidente da Asociación Provincial de Hostalaría, Cheché Real, que estima unha gran presenza de turistas e visitantes entre o 22 e o 25 de xuño, especialmente o sábado 24.

Fai dez días, o sector xa anunciara que as reservas se situaban “entre un 70% e un 89%” debido á inestabilidade meteorolóxica, pero espérase que estes días se disparen as temperaturas en Lugo pola chegada dun anticiclón. Deste xeito, o sábado espérase alcanzar os 34 graos.

Esta festa de recreación histórica do pasado romano e castrexo da cidade arrinca oficialmente este xoves, día 22 de xuño, ás 21,00 horas, coa entrada das lexións romanas ao mando do xeneral Caio Antistio “O Vello” e a toma da cidade na ponte romana. As as 22,30 horas continuarán os eventos de inauguración co aceso do lume sacro de Vesta na Praza Maior.

As festas prolongaranse ata o domingo pola noite, co gran concerto de Hijas de Cassandra tras a firma da paz entre romanos e tribos galaicas. A edición deste ano é a primeira coa categoría de Festa de Interese Turístico Internacional. En 2017, o Arde Lucus xa se converteu en Festa de Interese Turístico Nacional, pero o ano pasado deu un paso máis cara ao recoñecemento internacional da man do Concello de Lugo, que chegou en marzo.

ÚLTIMAS

Convocarán un concurso de ideas para desenvolver a contorna do Pazo de Dona Urraca

A Xunta continúa dando pasos para "seguir reactivando" o barrio da Tinería, no centro...

Detidas tres persoas dun clan familiar dedicado a venda de cocaína en Lugo

A Policía Nacional detivo a dous homes e a unha muller vinculadas a un clan familiar que se...

Reunión entre Rueda e Tomé para fixar un grupo de traballo sobre transferencia de diferentes estradas

O presidente da Xunta de Galicia, Alfonso Rueda, e o líder da Deputación Provincial...