InicioSociedadeCIG denuncia "persecución" da concesionaria do servizo de limpeza do Hula a...

CIG denuncia “persecución” da concesionaria do servizo de limpeza do Hula a traballadores que se pon enfermos

PUBLICADA O

- Advertisement -

A área de servizos de Lugo da CIG denuncia “persecución” da empresa concesionaria do servizo de limpeza do hospital universitario Lucus Augusti (Hula) aos traballadores que se pon enfermos, e pide o cesamento destas actuacións.

Baixo a “escusa” de realizar un seguimento “máis efectivo” e “mellorar a atención” das persoas en situación de incapacidade temporal, Serveo, segundo indica a central nacionalista, contratou en febreiro os servizos médicos externos de Tebex “para que, na práctica, faga un control do absentismo e presione ao persoal para que acurte o máximo posible a duración das baixas”.

“Desde que esta empresa externa (que non é a mutua que lle xestiona a cobertura das prestacións) comezou a operar, cada vez que unha traballadora cae de baixa, deseguido é citada por teléfono para acudir a centro privado como Polusa ou outra clínica, aínda que teña dificultades para moverse polo seu estado de saúde”, asegura.

Pero, para a CIG, “o máis sanguento é que, de maneira habitual, cando a traballadora acode ao lugar indicado, dinlle que non a poden atender e vólvena a citar noutro centro outro día, e volve pasar o mesmo”.

A portavoz Asunción Castiñeira advirte que o persoal acode a estes servizos médicos “aínda que sexa arrastras” porque “pola contra reciben ameaza de retirarlle o complemento de IT por continxencias comúns que paga a empresa por convenio“. A finalidade, segundo Castiñeira, “non é mellorar a atención senón fiscalizar a saúde dos traballadores, dando por suposto que cando collen unha baixa están a cometer unha fraude”.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...