InicioPolíticaCandia pide a PSOE e BNG ser alcaldesa e traballar xuntos para...

Candia pide a PSOE e BNG ser alcaldesa e traballar xuntos para que “Lugo sexa o primeiro”

PUBLICADA O

- Advertisement -

candidata do PP á alcaldía de Lugo, Elena Candia, que encabezou a lista máis votada e obtivo 12 concelleiros nos comicios do pasado domingo, enviou este sábado unha carta dirixida ao PSOE e ao BNG para trasladarlles o seu ofrecemento para liderar un pacto de goberno “onde Lugo sexa o primeiro”.

Segundo trasladou o PP Local, nesta misiva Candia expón que “o caudal de confianza depositado no proxecto político do Partido Popular, e que avalan os 21.447 votos dos lucenses” que escolleron o pasado 28 de maio a papeleta popular, anímana a “solicitar unha reunión de traballo” con socialistas e nacionalistas. 

Así, a intención é “abrir unha rolda de conversacións con socialistas e nacionalistas insistindo na necesidade de traballar por Lugo con feitos deixando de lado confrontacións e ataques gratuítos” que, apunta, “os lucenses non merecen“. Precisamente, na campaña foi moi criticada por ser a responsable dos anónimos polos que se investigou a José Ramón Besteiro.

Así mesmo, a popular explica que cre que a política “debe construírse desde o entendemento”. “A cidadanía demándanos aos políticos altura de miras e que antepoñamos os intereses xerais a calquera tipo de discrepancia política ou persoal”, expresa. Para finalizar, afirma que espera que tanto Lara Méndez como Rubén Arroxo lle dean a “oportunidade” de “escoitar en primeira persoa” a súa proposta” que, asegura, presentará “cunha actitude de total cordialidade”.

ÚLTIMAS

Convocarán un concurso de ideas para desenvolver a contorna do Pazo de Dona Urraca

A Xunta continúa dando pasos para "seguir reactivando" o barrio da Tinería, no centro...

Detidas tres persoas dun clan familiar dedicado a venda de cocaína en Lugo

A Policía Nacional detivo a dous homes e a unha muller vinculadas a un clan familiar que se...

Reunión entre Rueda e Tomé para fixar un grupo de traballo sobre transferencia de diferentes estradas

O presidente da Xunta de Galicia, Alfonso Rueda, e o líder da Deputación Provincial...