InicioSucesosCondenado a 7 anos por agredir sexualmente a un menor de 14...

Condenado a 7 anos por agredir sexualmente a un menor de 14 que declarou que era unha relación consentida

Os dous se coñeceron a través dunha aplicación de contactos en Internet.

PUBLICADA O

- Advertisement -

A sección segunda da Audiencia Provincial de Lugo condenou a sete anos de cárcere a un home de 41 anos acusado de agredir sexualmente a un menor de 14 co que contactou a través da aplicación Grindr.

Así, o tribunal considera probado que, en febreiro de 2022, o procesado concertou unha cita “para manter un encontro de carácter sexual” coa vítima, de 14 anos, tras intercambiar “mensaxes de índole sexual” a través desta aplicación.

Tras recoller á vítima nunha praza da cidade de Lugo, os maxistrados aseguran que mantivo relacións sexuais co menor no interior dun vehículo estacionado nun parking, a pesar de ser “consciente da súa escasa idade”.

A Sala descarta a existencia de motivos espurios ou de inimizade previa na denuncia. Así, subliña que o menor “só contou os feitos tras ser visitado polos axentes do Corpo Nacional de Policía” que investigaban o sucedido despois de que o pai dunha amiga do mozo denunciase os feitos.

Así, a sentenza recoñece que, en sede xudicial, o menor manifestou que “non quería denunciar, que non sabía por que estaba alí, que quedara voluntariamente co acusado, chegando a manifestar que non se sentía violado porque non dixera que non”.

En canto a verosimilitud da versión ofrecida pola vítima, o tribunal entende que se trata “dun relato coherente e que se ve avalado por outras circunstancias”, entre elas as mensaxes que ambos se intercambiaron.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...