Axentes da Policía Local sancionaron en Lugo ao condutor dun patinete eléctrico que presentaba signos de embriaguez, segundo informa no seu parte de incidencias. En concreto, explica que foi na rúa Vilalba e que o condutor se negou a someterse á proba de alcoholemia. Os axentes abríronlle expediente sancionador cunha multa de mil euros.

Por outra banda, ao redor dunha decena de condutores foron denunciados por delitos contra a seguridade viaria, segundo explica en relación ao período comprendido entre o 28 de abril e o 1 de maio.

CONDUTORA FERIDA

Por outra banda, na tarde do 28 de abril unha condutora tivo un accidente ao saírse da rotonda, na avenida Benigno Rivera, e impactar contra un farol. Á chegada dos axentes, explicoulles que tivese un descoido. A muller presentaba unha lesión, de carácter leve, nunha das mans, e foi asistida por unha dotación sanitaria do 061.