InicioPolíticaTomé replícalle a Candia que ela mesma falou de "anónimos" e vincúlaos...

Tomé replícalle a Candia que ela mesma falou de “anónimos” e vincúlaos a unha “estratexia do PP” contra Besteiro

PUBLICADA O

- Advertisement -

O presidente da Deputación de Lugo e secretario xeral do PSOE de Lugo, José Tomé, respondeu á candidata do PP á Alcaldía de Lugo, Elena Candia, que ela mesma falou de “anónimos” ante a Fiscalía e vinculounos a unha “estratexia do PP” contra o que fose secretario xeral do PSdeG José Ramón Gómez Besteiro.

Así o manifestou despois de que, en declaracións á Cadea Ser, a dirixente do PP asegurase que ela entregou ao Ministerio público documentación que “non era anónima” senón “dun servizo” e que “identificaba con nomes e apelidos determinadas prácticas” e acusase os socialistas de levar a cabo unha campaña “con medias verdades” para “atacala” e “danar a súa imaxe”.

“A señora Candia ten unha ensaladilla mental tremenda”, sostivo José Tome, que asegurou que ela mesma na declaración que fixo ante o fiscal di que “é un anónimo” e que “perdeu o sobre”. “Está por escrito e asinado, que revise a documentación”, sostivo.

Ademais, José Tomé vinculou estes “anónimos” cunha “estratexia” do PP para facer dano político e persoal a Besteiro. “Sabe perfectamente que é unha estratexia do PP, que se aprazou un pleno do Parlamento no que se ían a nomear os senadores por designación autonómica sabendo que algo se ía a producir”, dixo para lembrar que “o atrasaron 15 días” para que “houbese auto de imputación” e non se puidese elixir a José Ramón Gómez Besteiro, que deste xeito fose aforado. Por todo iso, emprazou a Candia a “recuperar a memoria”. “Porque ela mesma foi ao fiscal a comparecer e declarou e afirmou que era un anónimo”, dixo.

ÚLTIMAS

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...