InicioPolíticaLara Méndez afirma que os anónimos contra Besteiro causaron tamén "un dano...

Lara Méndez afirma que os anónimos contra Besteiro causaron tamén “un dano irreparable a Lugo” e culpa a Candia

Censurou a actitude de Candia e acusouna de "non dar a cara"

PUBLICADA O

- Advertisement -

A alcaldesa de Lugo, a socialista Lara Méndez, cargou de novo este luns contra a presidenta dos populares na provincia e candidata na capital, Elena Candia, e advertiu que os “anónimos” que entregou non só apartaron ao agora delegado do Goberno, José Ramón Gómez Besteiro, de primeira liña política e afectaron ao PSOE, senón que causaron “un dano irreparable a Lugo”.

Méndez censurou a actitude de Candia e acusouna de “non dar a cara” (a dirixente popular convocou esta xornada unha rolda de prensa) e advertiu que “hai unha realidade constatable que está aí e unha declaración feita” –en referencia a que entregou documentación anónima que, afirman os populares, recibiu o grupo; e realizou unha declaración testifical ante o fiscal–.

“O que tiña que facer é pedir información primeiro e verificar a información que se achegaba nos anónimos”, advertiu a alcaldesa, antes de incidir en que o outro suposto –“que apareza un sobre (o que tiña o anónimo) nun despacho e que non se saiba nin que se fixo con el”– resulta se cabe “máis inverosímil”.

“A realidade é que o anónimo apartou a Besteiro da primeira liña política, que agora recuperamos co seu nomeamento. É algo que non tería que ocorrer e os feitos demostraron que non había causa”, lamentou, antes de incidir en que “non só fixo dano” ao dirixente socialista e ao PSOE senón tamén “á cidade de Lugo “retardando e xerando situacións de inseguridade xurídica”.

A dirixente socialista advertiu que tamén se xerou “medo entre o funcionariado e o empresariado” a “investir” na cidade. “Causou un dano irreparable que tentamos combater con accións, programas e proxectos para dinamizar a economía da nosa cidade”, resolveu.

ÚLTIMAS

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...

Detida unha muller por violencia doméstica ao agredir ao seu home e a outra muller

Unha muller foi detida en Lugo acusada dun delito no ámbito familiar e de lesións por...

Detidos tres veciños de Vilalba acusados de vender pezas de coches por Internet e non remitilas aos seus compradores

A Garda Civil detivo a tres veciños do municipio lucense de Vilalba acusados de vender pezas...