InicioSociedadeO TSXG confirma a pena de dous anos ao septuaxenario que acosou...

O TSXG confirma a pena de dous anos ao septuaxenario que acosou a unha menor en Bispo Aguirre

O alto tribunal galego desestima o recurso contra a sentencia previa e considera probado o acoso sexual a unha menor de 12 anos na rúa Bispo Aguirre

PUBLICADA O

- Advertisement -

O Tribunal Superior de Xustiza de Galicia desestimou o recurso presentado por un condenado por un delito de acoso sexual sobre unha menor que tiña no momento dos feitos 12 anos. Confirma así a pena de dous anos para o home, de 79 anos, estabelecida pola Audiencia Provincial de Lugo por tocar os glúteos da menor e referirse a ela de xeito inapropiado.

Os feitos que o alto tribunal considera probados tiveron lugar en outubro de 2016, na rúa Bispo Aguirre de Lugo, moi próxima a dous centros escolares. O sospeitoso dirixiuse pola espalda á menor, de doce anos, que camiñaba en compañía dunhas amigas, e “con ánimo libidinoso” tocoulle os glúteos, mentres lle preguntaba “hola, qué guapa eres, ¿cómo te llamas?”.

A rapariga vítima de acoso saíu correndo cara a súa nai, a quen contou o acontecido. Acto seguido, o septuaxenario alonxouse do lugar para despois achegarse a outro grupo de menores.

Os actos mereceron a sentencia da Sección Segunda da Audiencia Provincial de Lugo, que ditou dous anos de cadea polo delito de acoso sexual. O fallo, con data 12 de xullo, foi alegado e a causa pasou ao TSXG. O máximo tribunal galego desestimou o recurso, confirmando o veredicto da primera instancia.

Xunto cos dous anos de prisión, impuxo a prohibición de aproximarse á vítima e de comunicarse con ela durante cinco anos, así como a prohibición de acudir a centros educativos, lugares frecuentados por menores, e á rúa Bispo Aguirre de Lugo. O autor dos feitos xa fora condenado con anterioridade en sentencia firme por violencia no ámbito familiar, ameazas, homicidio por imprudencia e lesións por imprudencia grave.

Casos recentes en Bispo Aguirre

Este comportamento coincide cos recentes casos de acoso producidos no mesmo lugar da cidade, confirmados por varias testemuñas. A Policía Nacional negou ter coñecemento da situación, pois tan só constaban denuncias antigas. Este xornal puido comprobar in situ varios episodios relacionados cun home que responde ao mesmo perfil, e que supostamente protagonizara outras accións semellantes entre a estación de autobuses, o colexio marista A Inmaculada e o instituto Ollos Grandes.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...