InicioSucesosPiden "a maxima pena" para o procesado polo dobre crime do Cash...

Piden “a maxima pena” para o procesado polo dobre crime do Cash Record

O principal inculpado é un hostaleiro que contaba cun negocio no centro de Lugo en 1994 e que agora reside en Burgos.

PUBLICADA O

- Advertisement -

As familias do dobre crime do Cash Record, na cidade de Lugo, pedirán 20 anos de prisión para o procesado, un hostaleiro que contaba cun negocio no centro de Lugo en 1994 e que agora reside en Burgos.

A irmá dunha das vítimas, Isabel López, confirmou que o xuízo na audiencia provincial arrincará o 6 de febreiro e prolongarase ata cinco días máis. Isabel López constataba que como acusación particular solicitarán “a máxima pena”, aínda que asume con resignación que contan “que non lla van a impor”.

Tamén advertiu que “un dos factores é que nos rexemos pola lei do ano 94”, que é cando se producía o dobre crime, e son “menos anos que si fose actualmente” co actual Código Penal, acreditou.

Con todo, chegarán aos 20 anos de petición de cárcere, á vez que afeou que a fiscalía non acuse. “Iso non o entendemos moi ben, aínda que en función do que pase no xuízo se cadra a Fiscalía cambia a súa postura e ve outras cousas que non viu ata agora. Confiamos que iso vai ser así, que van ir as cousas por aí”, desexou.

DESPOIS DE “TANTA LOITA”

Isabel López celebrou que “despois de tanta loita”, case 30 anos despois, vaia a ter lugar o xuízo contra ese home, que desde o primeiro momento foi o principal sospeitoso para as familias.

“Despois de tanta loita, de tantas cousas que foron quedando polo camiño, xa ía sendo hora de que se celebre o xuízo aínda que nunca vai ser a pena que queriamos, ademais de que non nos van a devolver ás dúas vítimas. Supón unha certa tranquilidade, chegamos ao final do camiño”, congratulouse.

Foi precisamente Isabel López a que se topou cos cadáveres da súa irmá, Elena –caixeira no Cash Record–, e do reponedor Estebán Carballedo, en abril de 1994. O autor ou autores levaron un botín de 5 millóns de pesetas.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...