InicioEconomíaA Deputación de Lugo, a primeira de todo o Estado en contar...

A Deputación de Lugo, a primeira de todo o Estado en contar cun sistema “intelixente” para xestionar as estradas provinciais

PUBLICADA O

- Advertisement -

A Deputación de Lugo traballa no deseño e desenvolvemento dun sistema dixital ou “intelixente” para xestionar as estradas provinciais,unha iniciativa “pioneira” no Estado.

Así o anunciou a portavoz do Goberno provincial, Pilar García Porto, tras a xunta de goberno deste venres, na que recibiu luz verde a tramitación da solicitude para captar 1,5 millóns de euros de fondos europeos para implantar iniciativas “pioneiras en materia de transformación dixital e modernización” das administracións locais.

Entre estes proxectos está o sistema dixital co que a Deputación luguesa quere xestionar as estradas da provincia, algo que o goberno augura como “un gran avance en materia de infraestruturas para facelas máis seguras e máis sustentables”.

“É un paso moi importante, porque contamos coa rede de estradas máis extensa de España, a nivel provincial, son máis de 4.200 quilómetros”, subliñou Porto. Con esta petición, a Deputación luguesa aspira “a ser a primeira de toda España en contar cun sistema intelixente” para acceder, tanto ás administracións como aos cidadáns, a información “en tempo real”.

“Estamos a falar dun sistema que vai ser similar a un Google Maps pero para estradas provinciais, permitindo coñecer o estado das estradas, a intensidade de tráfico, as incidencias que poidan aparecer en cada momento en cada unha das vías”, engadiu.

+ posts

ÚLTIMAS

As XXXVII Xornadas Luis Asorey analizarán os potenciais terapéuticos dos recursos naturais

  O salón de actos do Pazo de San Marcos acollerá do 9 ao 19...

O Concello de Lugo reúne a comisión mixta sobre o saneamento da rúa Fermín Rivera

O goberno local quere coñecer en que punto se atopa o proxecto de saneamento...

O Concello de Lugo e as asociacións do Arde Lucus levarán a recreación histórica da festa á feira INTUR de Valladolid

Concello de Lugo levará o Arde Lucus á 29ª edición de INTUR, a Feira...

A Deputación participa na nova reunión da veciñanza do Courel arredor da castaña

  A Deputación de Lugo participou este sábado na XXXVII Festa da Castaña do Courel,...