A xuíza do Xulgado de Instrución número 1 de Lugo en funcións de garda decretou a posta en liberdade do ‘okupa’ que está investigado por un delito de atentado polo incendio nun edificio semi abandonado en Lugo.

A Policía Nacional informou este martes da detención do investigado tras ser alertado o 112 do fume nunha vivenda na rúa Viveiro, ao que se tiveron que desprazar os bombeiros.

O home pasou este mércores a disposición xudicial e quedou en liberdade como investigado por un delito de atentado e outro de incendio con perigo para as persoas, segundo informaron fontes do Tribunal Superior de Xustiza de Galicia (TSXG).