A alcaldesa de Lugo, Lara Méndez, espera o “apoio explícito” da Xunta de Galicia para que a cidade convértase na futura sede da Axencia Estatal de Saúde Pública.
Un apoio que reivindicou nunha carta remitida ao presidente galego, Alfonso Rueda, xa a pasada semana. Agora, Méndez espera que “se conteste e a contestación ten que ser en clave de buscar ese apoio”. “Espero que así o entenda (Rueda) e así se sitúe”, subliñou.
A rexedora sinalou, a continuación, que “de entrada” agarda que “si”, que o presidente Rueda “entenda como entendeu o PP de Lugo, que iso sería bo para a cidade”. “E nós, todo o que sexa bo para a nosa cidade, contará co meu respaldo”, incidiu.
“O Goberno galego tense que situar, porque é quen ten que presentar a candidatura de face ao Ministerio de Sanidade. Estamos a buscar ese apoio explícito da Xunta e esperamos conseguilo”, resolveu.
