A Policía Local de Lugo investiga as causas dun accidente ocorrido ao redor das 7,00 horas na Praza da Milagrosa, que se saldou con danos materiais que afectaron a exposición itinerante da Axenda Urbana, así como os aparcabicis instalados nesta área.
En concreto, os axentes tratan de localizar o condutor causante do accidente, que se deu á fuga despois de ocasionar danos nas xardineiras e elementos decorativos situados á beira dos paneis explicativos da exposición, á vez que danou a estrutura do aparcabicis.
No lugar atopouse algún resto do vehículo, polo que a Policía Local está a investigar o suceso co fin de pescudar quen é o causante dos danos.
