InicioSociedadeSatse denuncia falla de profesionais de enfermaría nos hospitais de Lugo por...

Satse denuncia falla de profesionais de enfermaría nos hospitais de Lugo por desvialos para as vacinacións masivas

PUBLICADA O

- Advertisement -

O sindicato de enfermaría Satse denunciou este martes que se está “desviando” a profesionais de enfermaría de plantas nos hospitais de Lugo –no Hospital Lucus Augusti (HULA) na capital da provincia,  e no hospital de Burela e en Monforte–, para as vacinas a maiores fronte á covid-19 e tamén para as inmunizaciones para a gripe.

A delegada en Lugo do sindicato, Rosa Rubio, precisou que “se están cubrindo os ocos de enfermaría para a vacinación da gripe e da covid, á parte da vacina para profesionais sanitarios e iso fai que nas plantas de hospitalización haxa unha diminución do persoal”. “Non reforzan os persoais en plantas que xa asumen unha forte carga de traballo”, reprobou.

“Os fins de semana e as noites hai escaseza de persoal de enfermaría que se tentan cubrir, pero como agora necesítanse máis enfermeiras para vacinar están a deixar as plantas en mans de Deus”, queixouse.

A delegada de Satse en Lugo lamentou o “prexuízo que se causa a pacientes e ao persoal”. “Se había tres enfermeiros de noite, en plantas agora só quedan dúas”,suliñou. Rosa Rubio insistiu finalmente en que “había profesionais para reforzar plantas do persoal normal e agora os estan levando para a vacinación”, o que a leva a reivindicar que se dispoña de máis persoal ante esta eventualidade de ter que centrarse nos recintos de vacinación masiva.

ÚLTIMAS

Enrique Rozas renuncia por “asuntos persoais e familiares” á súa acta de concelleiro no Concello de Lugo

O edil do PP no Concello de Lugo, Enrique Rozas, anunciou este luns en rolda de prensa...

O TSXG anula os servizos mínimos da Xunta para a folga de limpeza en Lugo de 2023

A sección primeira da Sala do Contencioso-Administrativo do Tribunal Superior de Xustiza de Galicia...

Interceptado un condutor borracho que fuxiu tras ter un accidente cun neno no asento dianteiro

Un condutor foi interceptado tras verse implicado nun accidente de circulación na confluencia da Avenida...

O PP presentará dúas iniciativas no Senado para reclamar ao Goberno a chegada da alta velocidade

O PP lucense anunciou este luns en Lugo que presentará dúas iniciativas no Senado...