InicioPolíticaO BNG de Lugo quere peonalizar toda a Rolda da Muralla

O BNG de Lugo quere peonalizar toda a Rolda da Muralla

Denuncia os "agravios" da Xunta coa cidade.

PUBLICADA O

- Advertisement -

O BNG de Lugo levará no seu programa electoral para as municipais da próxima primavera a peonalización de toda a Rolda da Muralla da capital provincial. O tenente de alcalde, xa confirmado como candidato á alcaldía polos nacionalistas, Rubén Arroxo, deixou claro que “sen dúbida” esta será unha as cuestións a incluír no programa.

Arroxo puxo de relevo que “agora mesmo pola Rolda da Muralla circulan un corenta por cento menos de vehículos que en 2019”. “A xente aposta cada vez máis polo transporte público e por camiñar. Ao final, todas as cidades europeas camiñan cara a iso, usar menos o coche”, sentenciou.

Con respecto ás festas de San Froilán, cuxa organización levan os nacionalistas, que cogobernan co PSOE, Rubén Arroxo queixouse de que a Xunta non colabore na organización dalgunha actividade ou concerto ao amparo do programa Xacobeo.

“Non sabemos que lle pasa á Xunta con Lugo, lembramos o que se fixo coa Tinería, que se deixou abandonada, ou co cuartel de San Fernando”, debullou, entre outros “agravios” do goberno galego coa cidade.

Incidindo sobre isto, queixouse de que “haxa investimentos en grupos de nivel mundial para outras cidades ou para outras vilas e para San Froilán cero euros”. “Non sei que lles fixemos os de Lugo á Xunta, parece que nos teñen teima. Tamén parecía que era cousa do presidente anterior pero o presidente novo ten castigado a Lugo”, censurou.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...