- Advertisement -
O sorteo do ONCE do pasado fin de semana deixou en Galicia os premios do Sueldazo Fin de Semana, Eurojackpot ou Super ONCE. A maior contía caeu en Lugo, cun premio de 2.000 euros ao mes durante 10 anos no sorteo do Sueldazo Fin de Semana que tivo lugar o pasado sábado 27 de agosto.
O cupón, que foi vendido nun quiosque situado na rúa Raíña en Lugo, estaba dedicado á Festa do Viño do Condado de Tea do municipio pontevedrés de Salvaterra de Miño.
O Eurojackpot deixou no municipio coruñés de Boiro, o pasado venres 26 de agosto, un premio de 63.679,10 euros. Tamén en Santiago de Compostela tocaron tres apostas de 3.000 euros cada unha, 9.000 euros en total.
