InicioSucesosDenunciado tres veces por negarse a identificar, non ter seguro e romper...

Denunciado tres veces por negarse a identificar, non ter seguro e romper a multa diante dos axentes

O home dixo que non tiña papeis porque "chegara en patera".

PUBLICADA O

- Advertisement -

A Policía Local de Lugo denunciou a un condutor que circulaba por Lugo sen un carné habilitante para conducir en España, ademais non ter seguro nin pasar a ITV. Igualmente, negouse a identificarse e rompeu ante os axentes a multa que lle deron.

Nun comunicado, a Policía Local sinala que sorprenderon de madrugada a esta furgoneta que circulaba pola Rúa das Fontes. Ao darlle o alto, o home negouse a identificarse, pois manifestou que chegou a España en patera e non contaba con documento identificativo.

Tras iso, deuse á fuga, aínda que foi localizado uns minutos máis tarde. O home presenta un permiso de conducir de Marrocos, o cal non lle habilita para conducir no Estado español, xa que excedeu o prazo regulamentario para realizar o cambio correspondente polo permiso, polo cal se procedeu a formular denuncia contra el, ademais de por non contar con ITV e seguro.

Así mesmo, o individuo tamén foi denunciado por unha infracción da Lei de Seguridade Cidadá, coñecida popularmente como a ‘lei mordaza’, pola negativa a identificarse e desobediencia aos axentes da autoridade, e logo por outra á Ordenanza de Protección Ambiental, posto que, cando os axentes lle fixeron entrega da documentación sancionadora, o home “rompeuna, lanzando os fragmentos ao chan, a pesar das advertencias dos policías para que non o fixese”.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...