InicioEconomíaUnións Agrarias denuncia que a cadea Family Cash vende pito como "produto...

Unións Agrarias denuncia que a cadea Family Cash vende pito como “produto reclamo”

"Prodúcese unha clara venda a perdas. Temos que denunciar que se está usando un produto como produto engano, incumprindo a lei", lamenta o sindicato.

PUBLICADA O

- Advertisement -

Membros de Unións Agrarias protestaron ás portas do supermercado Family Cash, no centro comercial Abella da cidade de Lugo, para denunciar que a cadea vende pito como “produto reclamo”.

Á fronte das protestas estaba o secretario xeral de Unións Agrarias, Roberto García, que acreditou que levan “un mes denunciando a situación grave que viven os produtores e criadores de pito”, que reciben apenas 15 céntimos por quilo de produto pese ao “brutal” incremento de custos nas granxas.

Neste contexto, lamentou, pervive “unha práctica tan empregada no pasado, que era utilizar o pito como produto reclamo para atraer clientes e forzar a venda a perdas“. “Cando pensabamos que esta práctica estaba erradicada, unha nova cadea que empeza a apertura de instalacións en Lugo volve a esas prácticas ilegais de utilizar o pito como produto reclamo”, condenou Roberto García.

Con esta acción, o sindicato pretende “pór de manifesto que se está incumprindo a lei de Cadea Alimentaria e están a atacar un sector que o está pasando moi mal”.

O dirixente agrario pormenorizou que “onte o produto reclamo estaba noventa céntimos por baixo dos custos de produción, estaba a venderse o pito a 2,59 euros” o quilo. Xa hoxe, relatou, “por mor da denuncia puxérono a 3,19, ou o que é o mesmo, sobre trinta céntimos por baixo do custo de produción”.

“Prodúcese unha clara venda a perdas. Temos que denunciar que se está usando un produto como produto engano, incumprindo a lei”, lamentou.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...