A secretaria de Organización do PSdeG na provincia de Lugo, Pilar García Porto, cualificou este mércores de “fantasía”, as declaracións realizadas por Manuel Martínez sobre supostos ofrecementos para encabezar unha lista socialista nas próximas municipais, “unha ilusión que non se lle vai a cumprir”.

“O señor Martínez mente. Non dubidamos de que lle gustaría que fose así porque está totalmente amortizado, pero, desde logo, nin o fixemos, nin o faremos. O PSOE non quere e, por suposto, non presenta ás eleccións, a persoas como esta, que non cren, nin seguramente nunca creron, nos valores que defendemos no noso partido, e que se moven en exclusiva pola súa ambición persoal”, dixo García Porto.

A Secretaria de Organización dos socialistas na provincia considera que “a falsidade das declaracións de Martínez” responde “á súa desesperación” porque o seu proxecto “está esgotado, non existe”.

“Está claro que o señor Martínez necesita protagonismo, pero desde o PSOE non llo imos a dar en ningún caso”, asegurou García Porto.