InicioLugo e contornaLugoDispárase o prezo do aluguer en Lugo: xa é un 15% máis...

Dispárase o prezo do aluguer en Lugo: xa é un 15% máis caro que hai un ano

O prezo supera tamén a media galega: 6'7€ por metro cadrado.

PUBLICADA O

- Advertisement -

O piso tipo de aluguer en Galicia rexistrou en xullo de 2022 un prezo medio de 5,62 euros por metro cadrado (m2), o que supuxo un descenso con respecto a xuño do 1,23, pero unha subida do 2% se se fai a comparativa con xullo de 2021.

Así o reflicten datos do portal pisos.com dados a coñecer este luns, que demostran que a galega foi a cuarta autonomía coa mensualidade máis barata para os inquilinos, por detrás de Castela e León (4,74 euros/m2), Estremadura (5,27 euros/m2) e Castela-A Mancha (5,48 euros/m2).

En todo o Estado, o piso tipo de aluguer en España tivo en xullo de 2022 un prezo medio por metro cadrado de 10,24 euros, unha subida mensual do 0,20%. Na comparativa interanual, creceu un 5,89%, polo que Galicia, co 2%, atópase bastante por baixo.

Por provincias, os alugueres experimentaron en xullo fortes subidas interanuais na da Coruña e na de Pontevedra. Nesta última, con 7,41 euros por m2 de media, o ascenso foi do 11,6%, mentres que A Coruña, con 5,62 euros, foi a quinta provincia que máis creceu de toda España, cun 12,37% máis que en xullo de 2021.

Mentres tanto, as rendas en Ourense, cunha media de 4,22 euros/m2, foron as quintas que máis caeron en todo o estado (-10,4%); e en Lugo, cun prezo de 4,70 euros, fixérono nun 3,49%.

Por capitais de provincia, A Coruña presentou en xullo o aluguer medio máis alto (8,47 euros/m2), a pesar de supor unha baixada interanual do 0,57%; seguida de Pontevedra (7,99 euros/m2) cunha crecida do 12,27%. Na cidade de Lugo, os alugueres subiron un 15,55% nun ano, ata os 6,72 euros/m2, e en Ourense baixaron un 2,93%, a 6,08 euros/m2.

Please wait while you are redirected...or Click Here if you do not want to wait.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Primeiros servizos ‘Intercity Express’ para reforzar as conexións directas A Coruña-Lugo-A Mariña

O Consello da Xunta aprobou este luns o proxecto de acordo polo que se autoriza a contratación...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...