InicioSociedadeAcepta seis meses de cárcere por distribuír pornografía infantil por Internet

Acepta seis meses de cárcere por distribuír pornografía infantil por Internet

PUBLICADA O

- Advertisement -

Un home de mediana idade aceptou seis meses de prisión por un delito de corrupción de menores en Lugo, logo de alcanzarse un acordo de conformidade no xuízo que se ía celebrar no Xulgado do Penal número 2 da cidade.

Segundo o relato fiscal, no curso dunha investigación sobre distribución de pornografía infantil a través de Internet, o 2 de decembro de 2016 procedíase á entrada e rexistro do domicilio do procesado, do que non constaban antecedentes penais.

No rexistro interviñéronse un computador, unha tableta, así como distintos dispositivos de almacenamento e outros aparellos electrónicos onde foi achado “material de contido pornográfico”. En concreto, contiñan máis de 3.000 arquivos nos que aparecen menores de idade e que o acusado tería para “o seu propio uso”.

A Fiscalía cualificou os feitos dun delito de corrupción de menores polo que pedía unha pena dun ano de prisión e liberdade vixiada durante os dous anos posteriores, coa obriga de participar en programas de educación sexual.

Antes da vista, a avogada do acusado, que preferiu manter o seu anonimato, constataba que finalmente se alcanzaba un acordo de conformidade coa Fiscalía, polo que se lle condena ao seu cliente a seis meses de prisión. Non consta nin indemnización, nin multa por estes mesmos feitos.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...