O presidente da asociación de transportistas de Lugo Aetram, Diego Arias, cualificou de “desastre” a alternativa que puxo en marcha o Goberno central ao colapso do viaduto da A-6, nas proximidades do municipio de Pedrafita do Cebreiro.
No entanto, admite que “o que preocupa é o que van poñer en setembro”. “Vannos facer pasar polo túnel ao lado esquerdo e logo imos ter que subir pola saída, polo que é a incorporación cara a Madrid desde o pobo, e iso é unha burrada para un camión de corenta toneladas“, lamenta.
“Facernos subir un 14 por cento cando no pico da saída hai unha rotonda que, como teñamos que parar no medio da subida, o camión non vai arrincar, e imos ter que volver marcha atrás cara abaixo de novo”, alertou.
Polo demais, o presidente de AETRAM pediu á Deputación de Lugo que se sume a unha “liña de axudas” fixada pola Deputación da Coruña polas que se destina “3.000 euros” por condutor.
