InicioLugo e contornaDeclarado culpable de asasinato o procesado pola morte de Clara Expósito no...

Declarado culpable de asasinato o procesado pola morte de Clara Expósito no barrio lucense das Gándaras (Lugo)

PUBLICADA O

- Advertisement -

O xurado popular declarou culpable de asasinato ao home acusado de matar a Clara Expósito, unha muller de 49 anos de idade, no barrio lucense das Gándaras o 7 de febreiro de 2020.

O tribunal do xurado non tivo en conta a agravante de violencia de xénero e considerou que o procesado non tiña minguadas as súas facultades, segundo informou o Tribunal Superior de Xustiza de Galicia (TSXG).

A Fiscalía e as acusacións particulares e populares coincidiron en solicitar 25 anos de prisión por asasinato para o procesado, que permanece no cárcere desde o 11 de febreiro do ano do crime.

No xuízo, celebrado entre o luns e o mércores desta semana na Audiencia Provincial de Lugo, resultou determinante se vítima e procesado eran parella.

O letrado da defensa tentou acreditar que non tiñan relación sentimental e que o procesado non actuou con aleivosía e si baixo os efectos de alcol e drogas, coa finalidade de que o crime fose considerado un delito de homicidio no canto de asasinato.

No seu escrito de acusación, o Ministerio público sinalaba que, “tras manter unha discusión” e consciente do “grave estado de embriaguez no que se atopaba” a muller, que non tiña posibilidade de “opor unha defensa eficaz”, asestoulle “catro puñaladas” cun coitelo de 19 centímetros no pescozo. A consecuencia diso, a muller, que tiña dous fillos de 17 e 30 anos, faleceu.

O Ministerio Fiscal pedía no seu escrito de acusación indemnizar á filla de 17 anos con 84.000 euros e ao fillo de 30 anos con 52.000 euros, así como o abono de 42.000 euros á nai da falecida e de 15.000 ao irmán desta por conceptos de danos morais.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...