InicioSociedadeA lucense Érika Reija, gañadora do XVIII Premio José Couso de Liberdade...

A lucense Érika Reija, gañadora do XVIII Premio José Couso de Liberdade de Prensa

Esta profesional, correspondente de TVE, abandonou Rusia tras a aprobación dunha nova lei que prevé sancións de ata 15 años de cadea pola difusión de noticias que o goberno ruso considere como falsas.

PUBLICADA O

Érika Reija, xornalista luguesa de TVE, é a gañadora da XVIII edición do Premio José Couso de Liberdade de Prensa, organizado polo Colexio Profesional de Xornalistas de Galicia (CPXG) e o Club de Prensa de Ferrol. Esta profesional tivo que abandonar este 2022  a correspondencia de Moscova tras a aprobación dunha lei que “criminaliza o traballo xornalístico”, indica o Colexio.
A candidatura de Érika Reija resultou vencedora con maioría suficiente e sen necesidade de voto de calidade do presidente do xurado. A organización do premio salientou que as catro candidaturas eran merecedoras do galardón, e destacou que a elección de Érika Reija como gañadora recoñece o labor dos medios públicos e a especial relevancia que os medios de comunicación cobran nunha situación de guerra como a de Ucraína.
“Nun conflito como este, as e os xornalistas seguen a arriscar a liberdade e mesmo a vida para trasladar a información á sociedade, unha situación de especial risco para os freelance, que suman aos perigos xerais o de non teren a cobertura directa de ningún medio”, recolle o CPXG nunha nota. Neste sentido, desde o Colexio de Xornalistas e o Club de Prensa de Ferrol faise unha mención especial á situación de Pablo González, pola que solicitan ás autoridades “que realicen todas as xestións oportunas para que o xornalista poida recuperar a súa liberdade o antes posible”.
Nos próximos días, o Colexio de Xornalistas anunciará polas canles habituais cando se vai realizar a entrega do premio.
A PREMIADA
Érika Reija López, nada en Lugo, é licenciada en Xornalismo por la Universidad Complutense de Madrid e en Ciencias Políticas por la Universidade Nacional de Educación a Distancia. Especializada no mundo árabe, en 2004 entra a traballar en Televisión Española, como xornalista do equipo da Sección Internacional dos Telediarios. Foi enviada especial a diversos destinos, desde onde informó sobre a revolución da praza Tahrir en 2011 en Exipto, a caída de Gadafi en Libia ou o conflito entre Israel e Palestina pola Faixa de Gaza. Cubriu tamén o rescate dos mineiros chilenos de 2010 na mina San José.
No ano 2015 é nomeada correspondente de Televisión Española en Rabat e durante dous años cubre a información de Marrocos para a canle pública. En 2017 é enviada a Moscova para ocupar a correspondencia da capital rusa, desde onde se cubre para a televisión pública a información sobre Europa Oriental. A zona non era descoñecida para ela, que xa en 2014 fora enviada especial durante a anexión rusa de Crimea. Desde Moscova cubriu acontecimentos como a pandemia da covid-19, os recortes de liberdades, o efecto do cambio climático no permafrost siberiano ou a invasión de Ucraína.
O 5 de marzo deste año, abandonaba Rusia tras a aprobación dunha nova lei que prevé sancións de ata 15 años de cadea pola difusión de noticias que o goberno ruso considere como falsas. Radiotelevisión Española sumábase así a numerosos medios internacionais que decidiran saír do país como medida de protección para os seus xornalistas ante a posíbel criminalización do seu traballo.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...