InicioEconomíaLuz verde para o novo parque infantil da Praza de Bretaña

Luz verde para o novo parque infantil da Praza de Bretaña

A xunta de goberno do Concello de Lugo autoriza un orzamento de licitación de 88.000 euros para a nova infraestrutura do centro da cidade, que estará lista antes da fin de ano

PUBLICADA O

- Advertisement -

O Concello de Lugo autorizou este mércores a construcción dun novo parque infantil na céntrica Praza de Bretaña. A xunta de goberno deu o prace para a contratación da subministración e instalación da área de xogos e o pavimentado de seguridade no lugar, cun orzamento de licitación de 88.000 euros. O executivo de Lara Méndez camiña así cara a solución dun déficit crónico da cidade, e que afecta especialmente o recinto amurallado.

Os traballos consistirán, en primeiro lugar, no acondicionamento da zona, para reforzar as cimentacións, retirando as losetas precisas nos puntos dos ancoraxes dos xogos, a base de prismas de formigón. Os equipamentos da área infantil da Praza de Bretaña, que estará listo antes de que remate 2018, serán os seguintes: pórtico de columpio dobre con asento plano de goma e asento cuna para bebés, xogo múltiple singular, torre multidisciplinar múltiple, tres muelles representantivos de figuras de animais, un muelle inclusivo representativo de vehículo tracción mecánica, unha casiña de xogos, figuras xeométricas e un xogo tubo ou túnel baixo a montaña.

A zona de xogos contará cun pavimento continuo de seguridade de amortiguación e un valado de madeira tratada, sen cantos vivos. A garantía será de dous anos e a empresa que resulte adxudicataria conta cun prazo de 45 días para a subministración e instalación do parque infantil da Praza de Bretaña.

Nestes momentos, o goberno local traballa na renovación do solo, o peche perimetral e o módulo de xogos do parque infantil situado na rúa Poeta Aquilino Iglesias Alvariño, tarefas que contan cunha partida de 58.000 euros nos presupostos deste ano, defendidos como os máis investidores da última década.

ÚLTIMAS

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...

Detida unha muller por violencia doméstica ao agredir ao seu home e a outra muller

Unha muller foi detida en Lugo acusada dun delito no ámbito familiar e de lesións por...

Detidos tres veciños de Vilalba acusados de vender pezas de coches por Internet e non remitilas aos seus compradores

A Garda Civil detivo a tres veciños do municipio lucense de Vilalba acusados de vender pezas...