InicioLugo e contornaDenunciados 62 condutores por alcoholemia positiva na provincia durante a pasada fin...

Denunciados 62 condutores por alcoholemia positiva na provincia durante a pasada fin de semana

Unha condutora foi denunciada dúas veces en menos dun mes por circular sen carné, que lle foi suspendido por perda de puntos.

PUBLICADA O

- Advertisement -

A Garda Civil realizou a pasada fin de semana máis de 3.500 probas de alcoholemia en numerosos controis por toda a provincia de Lugo, e denunciou a 62 condutores que presentaban taxas de alcoholemia por encima das permitidas. Así mesmo, foron detectados 15 condutores que deron positivo nas probas indiciarias de drogas.

Segundo informou o Instituto Armado, dos condutores que deron positivo por inxesta de alcol, houbo 6 que superaron o 0,60 mg/l, polo que se instruíron contra eles dilixencias penais por un delito contra a seguridade viaria.

Entre os denunciados por este delito está unha persoa implicada nun accidente ocorrido en Mondoñedo, onde un vehículo se saíu da vía e chocou contra unha vivenda, na madrugada do domingo ao luns, sen que se rexistrasen feridos.

Por outra banda, e tamén como consecuencia dun accidente, foi identificado un condutor que circulaba na madrugada do domingo pola N-540 ao seu paso por Chantada. O condutor, a pesar de presentar síntomas de consumir alcol, negouse a realizar a proba, polo que lle foi notificada a súa investigación.

CONDUTORA SEN CARNÉ REINCIDENTE

Por outra banda, a Garda Civil tamén informou da identificación dunha condutora, sorprendida circulando pola N-540 no termo municipal de Lugo, a pesar de que ten o carné suspendido pola perda de todos os puntos.

Dáse a circunstancia de que esta mesma condutora xa foi identificada e investigada o pasado 20 de xaneiro polos mesmos feitos, cando circulaba pola estrada LU-P-1802 en Chantada.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...