O presidente da Deputación e próximo secretario xeral do PSOE de Lugo, José Tomé, expón o reto no liderado dos socialistas de “ser útiles aos cidadáns da provincia e ser útiles para apoiar aos alcaldes e portavoces”.
“Unha vez que o proceso de primarias xa está superado co acordo sobre a candidatura ao redor da miña persoa e tamén co outro candidato (o alcalde de Castroverde, que se incorporará como vicesecretario á executiva que deseñará Tomé), agora o que toca é facer un bo congreso”, manifestou este martes en Lugo.
“Temos que ser útiles aos cidadáns, ser útiles e apoiar aos alcaldes e aos portavoces da provincia. Iso é o que imos facer o día 20 de febreiro, o día do congreso (dos socialistas da provincia de Lugo)”, expuxo. En canto á nova Executiva provincial do PSdeG en Lugo, Tomei sinalou que “a idea” si que a ten, aínda que afirmou que non a ía a anunciar “antes de comentarllo aos compañeiros afectados”.
“Máis ou menos o equipo está deseñado, pero claro non é o momento de dicir cal é o equipo. Seguro que vai ser un bo equipo”, comprometeu finalmente o presidente da Deputación de Lugo e futuro líder dos socialistas da provincia.
