O Concello de Lugo, concretamente a Concellaría de Medio Ambiente, realizou traballos de roza durante este fin de semana na contorna do Hospital Universitario Lucus Augusti (HULA). O tenente de alcaldesa e concelleira de Medio Ambiente, Miguel Fernández, supervisou os traballos, segundo informou o Concello nun comunicado.
Os operarios de Urbaser actuaron nun espazo de máis de catro quilómetros nas proximidades das instalacións. Tal e como explicou Fernández, “os traballos de limpeza da maleza realizáronse durante o sábado e o domingo, xa que desta forma cáusanse menos molestias aos usuarios ao diminuír o tráfico na zona e, ademais, gañamos en seguridade”. Esta actuación enmárcase nas que executa a concellaría de Medio Ambiente de forma periódica, lembran, para manter en bo estado as áreas de maior tránsito da cidade.
