InicioLugo e contornaLugo colabora nunha campaña de recollida de lentes usadas destinadas a países...

Lugo colabora nunha campaña de recollida de lentes usadas destinadas a países do Terceiro Mundo

A recollida estenderase durante cinco ou seis días en puntos concretos.

PUBLICADA O

- Advertisement -

O Concello de Lugo colabora coa ONG Medicus Mundi e Urbaser na recollida de lentes usadas para trasladalas a distintos países do Terceiro Mundo. A alcaldesa, Lara Méndez, que se implicou persoalmente nesta campaña, desprazouse ao momento de recollida situado na Praza Maior. Alí apelouse a “un dato significativo da OMS e é que o 80 por cento das cegueiras son evitables”.

“Si podemos contribuír desde a cidadanía achegando esas lentes que deixamos de utilizar porque xa non nos serven, que se volvan a reciclar”, sinalou. “Colaboramos nos presupostos con ONGs internacionais, con proxectos de empoderamento da muller, de vivenda, de construción de elementos básicos para obter alimentos, en definitiva de garantir os dereitos humanos, neste caso tamén queremos contribuír nesa liña, sobre todo para os países máis necesitados”.

Pola súa banda, Mari Cruz Cuevas, presidenta da Federación de Asociacións Médicus Mundi España, precisou que se trata dunha campaña que hai anos compartían con Xeral Óptica e agradeceuse a implicación de Urbaser nesta iniciativa de recollida que se estenderá “cinco ou seis días” en puntos concretos.

“Serve para potenciar a economía circular, que é a reciclaxe e reutilización das cousas para coidar o medio ambiente, e logo tamén para levar aos puntos onde nós temos proxectos de cooperación en saúde. As lentes revísanse e reutilízanse neste tipo de países, como Burkina Faso, Guatemala, Salvador e Honduras”, detallou.

Finalmente agradecía a “implicación” do Concello de Lugo, que disporá de cinco puntos de recollida de lentes en distintas prazas da cidade e no punto limpo que xestiona Urbaser.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...