InicioA UlloaTramitadas 76 propostas de sanción por incumprimento das restricións na última semana

Tramitadas 76 propostas de sanción por incumprimento das restricións na última semana

A subdelegada do Goberno anuncia que "se reforzarán" os controis nos concellos lucenses "que están en niveis máximo e alto".

PUBLICADA O

- Advertisement -

A Policía Nacional e a Garda Civil tramitaron 76 propostas de sanción na última semana na provincia de Lugo no marco dos dispositivos para controlar o cumprimento das restricións pola pandemia da Covid-19.

Segundo informou a Subdelegación do Goberno nun comunicado, nunha reunión este xoves da subdelegada na provincia, Isabel Rodríguez, coas forzas e corpos de seguridade, fixeron balance dos controis realizados na última semana.

En concreto, a subdelegada detallou que entre os pasados días 22 e 28 de xullo a Policía Nacional e a Garda Civil realizaron na provincia de Lugo 585 controis, coa participación de 1.144 axentes.

Así mesmo, efectuaron 476 inspeccións en establecementos de hostalaría. En total, aseguran as mesmas fontes, foron identificadas máis de 6.500 persoas e controlados 5.546 vehículos. Froito deses controis tramitáronse 76 propostas de sanción.

DISPOSITIVO

Na reunión deste xoves, ademais, estudáronse os dispositivos que se porán en marcha na provincia para cumprir as novas restricións establecidas polas autoridades sanitarias para frear a Covid-19.

Isabel Rodríguez destacou que as forzas de seguridade “continuarán traballando de modo coordinado para velar polo cumprimento da normativa establecida polas autoridades sanitarias” para os distintos concellos da provincia.

Deste xeito, anunciou que “se reforzarán especialmente” os controis naqueles concellos da provincia “que están en niveis máximo e alto”.

ÚLTIMAS

A Deputación de Lugo aproba a entrega do novo polígono industrial de Cospeito e a ampliación dos hortos urbanos do río Rato

A Xunta de Goberno da Deputación anunciou este venres a aprobación do "último paso administrativo"...

A asociación Lugo Monumental pide que non se afesten servizos públicos do centro, como a Comisaría

A asociación Lugo Monumental dirixiuse ao Concello, á subdelegación do Goberno e ao Ministerio...

A irmá da muller asasinada en 2016 polo “mal funcionamento” da Casa da Muller de Lugo recorrerá ao TSXG

Martina Gómez Nieto, irmá da muller asasinada polo seu esposo no municipio de Becerreá...

Investigan a un menor de 14 anos que conducía un coche sen carné en Vilalba

Un menor de 14 anos foi interceptado en Vilalba conducindo un cuadriciclo lixeiro sen permiso...