Unha colisión na que se viron implicados dous vehículos deixou un ferido en Lugo. O suceso tivo lugar sobre as 13,15 horas á altura do número 94 da Rúa da Industria, segundo a información do 112-Galicia.
Até a zona desprazáronse efectivos da Policía Local e dos Bombeiros da cidade, que tiveron que liberar ao home, que quedara atrapado nun vehículo. Foi evacuado por persoal sanitario do 061.
