InicioEconomíaA iluminación pública de baixo consumo ábrese paso entre os concellos lucenses

A iluminación pública de baixo consumo ábrese paso entre os concellos lucenses

A Deputación de Lugo comeza a substituír a luminaria dos 38 concellos adscritos ao plan de renovación.

PUBLICADA O

- Advertisement -

A Deputación de Lugo xa comezou a substituír as luminarias existentes por outras de tecnoloxía LED de baixo consumo nos 38 concellos da provincia adheridos ao plan de aforro enerxético Ilumin@. En concreto, os traballos xa están moi avanzados nos municipios de Baralla, Cospeito, Láncara, Begonte e Castro de Rei e no resto están a piques de comezar, despois de terminar esta semana todas as accións da primeira fase de supervisión de instalacións técnicas municipais.

No caso de Baralla está a acometerse a renovación enerxética da iluminación pública de Sobrado de Picato, onde se renovan 36 puntos de luz cun investimento de máis de 14.000 euros. Pola súa banda, en Cospeito, o Ilumin@ está a mellorar a iluminación pública no núcleo de Xustas. Renóvanse 58 puntos de luz cun investimento de preto de 19.000 euros.

Onde tamén están moi avanzados os traballos é na localidade de Láncara. O obxectivo neste lugar é renovar a instalación da iluminación pública de San Pedro e da área Recreativa, onde se cambiarán 33 puntos de luz cun investimento de máis de 15.500 euros. No concello de Begonte, ademais, está a actuarse nas instalacións exteriores da Estrada de Saavedra e Baltar-Damil. Neste municipio renóvanse 30 puntos de luz cun investimento de máis de 14.000 euros. Doutra banda, en Castro de Rei cámbianse 32 puntos de luz da iluminación das rúas Emilio Sinde Neto, Manuel Becerra e Prevesos, cun investimento de preto de 20.400 euros.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...