InicioSociedadeO illamento das novas restricións, "máis risco" para as mulleres maltratadas

O illamento das novas restricións, “máis risco” para as mulleres maltratadas

A asociación lucense 'Si hai saída' lembra: "Ao reducirse as actividades laborais e profesionais o illamento pasa a ser absoluto, co que iso implica"

PUBLICADA O

- Advertisement -

A presidenta da Asociación Si Hai Saida, contra a violencia machista, Marta Rodríguez Engroba, alertou este mércores dos riscos que entrañan as novas restricións para as vítimas de malos tratos. Refírese, especialmente, á limitación das reunións só con conviventes. 

Esta activista comentou que  na asociación están “moi preocupados, porque estas novas restricións supoñen un incremento do risco que corren moitas vítimas de violencia de xénero”. “Dado que as relacións se limitan a conviventes, limítase a estas mulleres a que o agresor poida exercer un control absoluto sobre elas. Non esquezamos que ao reducirse actividades laborais e profesionais o illamento pasa a ser absoluto, co que iso implica”, incidiu.

Tamén fixo fincapé en que “outro problema” que se lles presenta é que descoñecen “se a nivel institucional se implementou algunha medida, se as circunstancias públicas variaron, se sufriu algunha modificación ou se se incrementou algún servizo máis”. “E iso descoñecémolo porque non se nos comunicou nada”, lamentou.

Por iso, por parte da asociación Si Hai Saida pídese unha maior “concreción” en canto a esas reunións de conviventes e avisan de que as vítimas “non teñen posibilidades de pedir axudas, de relacionarse”. “E xa notamos estes días un incremento de problemas e cústanos relacionarnos con elas (coas vítimas de violencia machista)”, concluíu Marta Rodríguez Engroba.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...