InicioLugo e contornaLugoLugo prepara un plan para recoller o lixo dos positivos por covid...

Lugo prepara un plan para recoller o lixo dos positivos por covid ante o aumento dos contaxios

O servizo xa estivo activo durante o estado de alarma, beneficiando a unha trintena de familias, segundo o Concello.

PUBLICADA O

- Advertisement -

Como recoller o lixo dos posibles positivos por covid? Esa é a pregunta á que dá resposta o servizo que o Concello de Lugo leva desenvolvendo dende os meses do confinamento. Así o lembra o edil de Medio Ambiente, Álvaro Santos, que apunta que o servizo “especial” está  “a disposición de todas aquelas veciñas e veciños que estean diagnosticados de COVID ou deban permanecer en corentena”.

O obxectivo do dispositivo, continúan dende o consistorio, ten como obxetivo “frear a propagación da pandemia tanto entre a cidadanía como entre o persoal que se encarga da retirada e tratamento dos residuos”. Así, “calquera persoa que deba permanecer confinada no seu fogar” pode solicitar o desenvolvemento do servizo –de balde- no 092 facilitando os seus datos de contacto.

UNHA TRINTENA DE FAMILIAS

Segundo Santos, durante o Estado de Alarma este servizo foi empregado por arredor dunha trintena de familias lucenses coas que, durante o tempo que os seus integrantes tiveron que permanecer illados, se concertou un horario periódico para proceder á recollida dos desperdicios. Na mesma comunicación, o edil de Medio Ambiente reiterou a súa petición á poboación de “manter abertos os contenedores” do lixo para que os usuarios “non teñan que manipulalos” á hora de desbotar os seus refugallos.

“Toda a cidade, incluídas as dotacións que están na vía pública como papeleiras, bancos, varandas, marquesiñas do bus e, por suposto, os contedores son desinfectados periodicamente, sen embargo é fundamental que, a nivel particular, actuemos con toda a prudencia posible para tratar de conter os contaxios”, concluíu o responsable de Medio Ambiente.

ÚLTIMAS

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...

Inundados tres dos catro pasos sobre o río Ladro en Begonte

As intensas precipitacións da xornada do domingo provocaron o desborde do río Ladra ao seu paso...