- Advertisement -
O Ateneo Galeguista de Lugo homenaxea este mércores a Benedicto, fundador de Voces Ceibes en 1968 e figura primordial da canción protesta durante a transición á democracia. A Librería Balmes acollerá unha conferencia arredor deste autor a cargo de Xosé M. González, quen formara parte de diversos grupos nos inicios da canción galega, e foi tamén membro do Movemento Popular da Canción Galega.
O faladoiro leva por título Nova canción galega: a década iniciática (1968-1978). Homenaxe a Benedicto. O conferenciante, González, é na actualidade mestre de lingua e colaborador en diferentes medios de comunicación. Está previsto que o acto comece a partir das 20.00 horas na Librería Balmes, na Rúa do Progreso.
